FAST-hetjurnar
FAST-hetjurnar er alþjóðlegt gjaldfrjálst fræðsluverkefni sem kennir börnum að þekkja einkenni heilaslags og hvernig bregðast skuli við þeim. Með skemmtilegum sögum og verkefnum læra börn að greina helstu viðvörunarmerki. Hetjurnar kenna börnum og fjölskyldum þeirra að þekkja og leggja á minnið þrjú algengustu einkenni heilaslags með því að tengja þau við neyðarnúmerið 1-1-2:
1 hlið andlits sígur skyndilega niður
1 handleggur verður skyndilega máttlaus
2 varir geta skyndilega ekki myndað orð
Hringja skal strax í neyðarlínuna þegar grunur vaknar um heilaslag.
Vefsíða verkefnisins – til þess að skrá sig til þátttöku: is-is.fastheroes.com
Vefgátt Twig
Vefgáttan Twig veitir aðgang að þúsundum þriggja mínútna myndbanda fyrir skóla um vísindi, stærðfræði og landafræði, auk vinnublaða, kennsluáætlana, spurningakeppna og skýringarmynda.
Unnið af kennurum, kvikmyndagerðarfólki, rithöfundum, fræðafólki og foreldrum til þess að aðstoða kennara.
Leikjavefurinn
Leikjavefurinn er samvinnu- og þróunarverkefni kennara og kennaraefna. Markmið hans er að safna góðum leikjum til að nota í skólastarfi og kynna þá sem víðast með aðgengilegum hætti.
Leikjunum er safnað af kennurum og kennaraefnum í sjálfboðavinnu. Umsjónar- og ábyrgðarmaður verkefnisins er Ingvar Sigurgeirsson prófessor við Kennaradeild Háskóla Íslands. Bakhjarl verkefnisins og aðsetur er Skólastofan slf – rannsóknir og ráðgjöf. Flestir leikirnir eru afrakstur námskeiðsins Leikir í frístunda- og skólastarfi sem er valnámskeið á tómstundabraut á Menntavísindasviði, en er opið nemendum á öllum námsbrautum.
Á Leikjavefnum eru nú um 400 leikir og leikjaafbrigði, ásamt ýmsu öðru efni, m.a. ábendingum um aðra áhugaverða leikjavefi af ýmsu tagi.
Kennarinn.is
Tilgangur vefsins er að:
– halda til haga upplýsingum sem snertir menntun á Íslandi, frá fyrstu skrefum barns hjá dagforeldrum til útskriftar á háskólastigi. Vefurinn er hugsaður fagaðilum, forsjáraðilum og nemendunum sjálfum til handagagns.
– vera gagnabanki fyrir fagfólk í uppeldisfræðum, safn með ítarefni, skipulagsgögnum og ábendingum um gott efni á vef og þriðja aðila.
– vera vettvangur þar sem kennarar geta deilt eigin námsefni með kollegum og fengið aðstoð við að gera efnið frambærilegt til útprentunar.
– vera vettvangur fyrir gögn sem gefin eru út á vegum fyrirtækisins Kennarinn útgáfa.
– vera sá vettvangur sem fyrstur kemur í hugann þegar upp koma vangaveltur um menntamál á Íslandi og málaflokka þeim tengdum.
Huldustígur – íslensk þjóðtrú og menningararfur
